Te Majhe Ghar (Postatil Mulgi) / ते माझे घर

ते माझे घर, ते माझे घर 
जगावेगळे असेल सुंदर, असेल सुंदर 

नक्षीदार अति दार तयाचे
शिल्प तयावर बुद्धकलेचे 
चक्रे, वेली, मूर्ती मनोहर 
जगावेगळे असेल सुंदर

अंगणी कमलाकृती कारंजे
वरी अप्सरा एक विराजे 
झरतील धारा ओलेतीवर 
जगावेगळे असेल सुंदर

आकार मोठा तरिही बैठा 
आतुन वेरुळ आणि अजिंठा 
वरी लालसर असेल छप्पर 
जगावेगळे असेल सुंदर

पागोड्यांची शिखरे वळती 
तशी छप्परे छपरावरती 
कृष्णकमळीच्या वेली त्यावर 
जगावेगळे असेल सुंदर

Te maajhe ghar, te maajhe ghar 
Jagaawegale asel sundar, asel sundar 

Nakshidaar ati daar tayaache
Shilp tayaawar buddhakaleche 
Chakre, weli, murti manohar 
Jagaawegale asel sundar

Angani kamalaakriti kaarnje
Wari apsara ek wiraaje 
Jharatil dhaara oletiwar 
Jagaawegale asel sundar

Akaar mothha tarihi baithha 
Atun werul ani ajinthha 
Wari laalasar asel chhappar 
Jagaawegale asel sundar

Paagodyaanchi shikhare walati 
Tashi chhappare chhaparaawarati 
Krishnakamalichya weli tyaawar 
Jagaawegale asel sundar