Kande Pohe Ayushya He Chulivarlya / आयुष्य हे चुलीवरल्या कढईतले कांदे पोहे

भिजलेल्या क्षणांना आठवणीची फोडणी
हळदीसाठी आसुसलेले हळवे मन अन्‌ कांती
आयुष्य हे चुलीवरल्या कढईतले कांदे पोहे

नात्यांच्या या बाजारातून विक्रेत्यांची दाटी 
आणि म्हणे तो वरचा ठरवी शतजन्माच्या गाठी
रोज नटावे रोज सजावे धरून आशा खोटी
पाने मिटुनी लाजाळूपरी पुन्हा उघडण्यासाठी
आयुष्य हे चुलीवरल्या कढईतले कांदे पोहे

दूर देशीच्या राजकुमाराची स्वप्ने पाहताना
कुणीतरी यावे हळूच मागून ध्यानी मनी नसताना
नकळत आपण हरवून जावे स्वतःस मग जपताना
अन मग डोळे उघडावे हे दिवास्वप्न पाहताना
आयुष्य हे चुलीवरल्या कढईतले कांदे पोहे

भूत-कालच्या धुवून अक्षता तांदूळ केले ज्यांनी
आणि सजवला खोटा रुखवत भाड्याच्या भांड्यानी
भविष्य आता रंगवण्याचा अट्टहास ही त्यांचा
हातावरल्या मेंदीवर ओतून लिंबाचे पाणी
आयुष्य हे चुलीवरल्या कढईतले कांदे पोहे

Bhijalelya kshanaanna athhawanichi fodani
Haladisaathhi asusalele halawe man an‌ kaanti
Ayushy he chuliwaralya kadhitale kaande pohe

Naatyaanchya ya baajaaraatun wikretyaanchi daati 
Ani mhane to waracha thharawi shatajanmaachya gaathhi
Roj nataawe roj sajaawe dharun asha khoti
Paane mituni laajaalupari punha ughadanyaasaathhi
Ayushy he chuliwaralya kadhitale kaande pohe

Dur deshichya raajakumaaraachi swapne paahataana
Kunitari yaawe haluch maagun dhyaani mani nasataana
Nakalat apan harawun jaawe swaths mag japataana
An mag dole ughadaawe he diwaaswapn paahataana
Ayushy he chuliwaralya kadhitale kaande pohe

Bhut-kaalachya dhuwun akshata taandul kele jyaanni
Ani sajawala khota rukhawat bhaadyaachya bhaandyaani
Bhawishy ata rngawanyaacha attahaas hi tyaancha
Haataawaralya mendiwar otun linbaache paani
Ayushy he chuliwaralya kadhitale kaande pohe