Damlelya Babachi Kahani / दमलेल्या बाबाची ही कहाणी तुला

कोमेजून निजलेली एक परीराणी
उतरलेले तोंड, डोळा सुकलेले पाणी
रोजचेच आहे सारे काही आज नाही
माफी कशी मागू पोरी मला तोंड नाही
झोपेतच घेतो तुला आज मी कुशीत
निजेतच तरी पण येशील खुशीत
सांगायाची आहे माझ्या सानुल्या फुला
दमलेल्या बाबाची ही कहाणी तुला !

आटपाट नगरात गर्दी होती भारी
घामाघूम राजा करी लोकलची वारी
रोज सकाळीस राजा निघताना बोले
गोष्ट सांगायचे काल राहुनिया गेले
जमलेच नाही काल येणे मला जरी
आज परी येणार मी वेळेतच घरी
स्वप्नातल्या गावामध्ये मारू मग फेरी
खऱ्याखुऱ्या परी साठी गोष्टीतली परी
बांधीन मी थकलेल्या हातांचा झुला
दमलेल्या बाबाची ही कहाणी तुला !

ऑफिसात उशिरा मी असतो बसून
भंडावले डोके गेले कामात बुडून
तास-तास जातो खाल मानेने निघून
एक-एक दिवा जातो हळूच विझून
अशा वेळी काय सांगू काय काय वाटे
आठवांसोबत पाणी डोळ्यांतून दाटे
वाटते की उठुनिया तुझ्या पास यावे
तुझ्यासाठी मीही पुन्हा लहानगे व्हावे
उगाचच रुसावे नी भांडावे तुझ्याशी
चिमुकले खेळ काही मांडावे तुझ्याशी

उधळत, खिदळत, बोलशील काही
बघताना भान मला उरणार नाही
हासुनिया उगाचच ओरडेल काही
दुरूनच आपल्याला बघणारी आई
तरी सुद्धा दोघे जण दंगा मांडू असा
क्षणा क्षणावर ठेवू खोडकर ठसा
सांगायची आहे माझ्या सानुल्या फुला
दमलेल्या बाबाची ही कहाणी तुला !

दमल्या पायाने जेव्हा येईल जांभई
मऊ मऊ दूध-भात भरवेल आई
गोष्ट ऐकायला मग येशील ना अशी
सावरीच्या उशीहून मऊ माझी कुशी

कुशी माझी सांगत आहे ऐक बाळा काही
सदोदित जरी का मी तुझ्या पास नाही
जेवू-खाऊ न्हाऊ-माखू घालतो ना तुला
आई परी वेणीफणी करतो ना तुला
तुझ्यासाठी आईपरी बाबा सुद्धा खुळा
तो ही कधी गुपचूप रडतो रे बाळा
सांगायची आहे माझ्या सानुल्या फुला
दमलेल्या बाबाची या कहाणी तुला !

बोळक्यामध्ये लुकलुकलेला तुझा पहिला दात
आणि पहिल्यांदाच घेतलास जेव्हा तोंडी मऊ भात
आई म्हणण्याआधी सुद्धा म्हणली होतीस बाबा
रांगत रांगत घेतलास जेव्हा घराचा तू ताबा
लुटूलुटू उभं राहत टाकलंस पाऊल पहिलं
दूरचं पहात राहिलो फक्त, जवळ पहायचंच राहिलं

असा गेलो आहे बाळा पुरा अडकून
हल्ली तुला झोपेतच पाहतो दुरून
असा कसा बाबा देव लेकराला देतो
लवकर जातो आणि उशिरानं येतो
बालपण गेले तुझे गुज निसटून
उरे काय तुझ्या-माझ्या ओंजळी मधून
जरी येते ओठी तुझ्या माझ्यासाठी हसे
नजरेत तुझ्या काही अनोळखी दिसे
तुझ्या जगातून बाबा हरवेल का ग ? 
मोठेपणी बाबा तुला आठवेल का ग ?
सासुराला जाता-जाता उंबरठ्यामध्ये
बाबासाठी येईल का पाणी डोळ्यांमध्ये ?

Komejun nijaleli ek pariraani
Utaralele tond, dola sukalele paani
Rojachech ahe saare kaahi aj naahi
Maafi kashi maagu pori mala tond naahi
Jhopetach gheto tula aj mi kushit
Nijetach tari pan yeshil khushit
Saangaayaachi ahe maajhya saanulya fula
Damalelya baabaachi hi kahaani tula !

Atapaat nagaraat gardi hoti bhaari
Ghaamaaghum raaja kari lokalachi waari
Roj sakaalis raaja nighataana bole
Gosht saangaayache kaal raahuniya gele
Jamalech naahi kaal yene mala jari
Aj pari yenaar mi weletach ghari
Swapnaatalya gaawaamadhye maaru mag feri
Khaऱyaakhuऱya pari saathhi goshtitali pari
Baandhin mi thakalelya haataancha jhula
Damalelya baabaachi hi kahaani tula !

ऑafisaat ushira mi asato basun
Bhndaawale doke gele kaamaat budun
Taas-taas jaato khaal maanene nighun
Ek-ek diwa jaato haluch wijhun
Asha weli kaay saangu kaay kaay waate
Athhawaansobat paani dolyaantun daate
Waatate ki uthhuniya tujhya paas yaawe
Tujhyaasaathhi mihi punha lahaanage whaawe
Ugaachach rusaawe ni bhaandaawe tujhyaashi
Chimukale khel kaahi maandaawe tujhyaashi

Udhalat, khidalat, bolashil kaahi
Baghataana bhaan mala uranaar naahi
Haasuniya ugaachach oradel kaahi
Durunach apalyaala baghanaari ai
Tari suddha doghe jan dnga maandu asa
Kshana kshanaawar thhewu khodakar thhasa
Saangaayachi ahe maajhya saanulya fula
Damalelya baabaachi hi kahaani tula !

Damalya paayaane jewha yeil jaanbhi
Mu mu dudh-bhaat bharawel ai
Gosht aikaayala mag yeshil na ashi
Saawarichya ushihun mu maajhi kushi

Kushi maajhi saangat ahe aik baala kaahi
Sadodit jari ka mi tujhya paas naahi
Jewu-khaau nhaau-maakhu ghaalato na tula
Ai pari wenifani karato na tula
Tujhyaasaathhi aipari baaba suddha khula
To hi kadhi gupachup radato re baala
Saangaayachi ahe maajhya saanulya fula
Damalelya baabaachi ya kahaani tula !

Bolakyaamadhye lukalukalela tujha pahila daat
Ani pahilyaandaach ghetalaas jewha tondi mu bhaat
Ai mhananyaaadhi suddha mhanali hotis baaba
Raangat raangat ghetalaas jewha gharaacha tu taaba
Lutulutu ubhn raahat taakalns paaul pahiln
Durachn pahaat raahilo fakt, jawal pahaayachnch raahiln

Asa gelo ahe baala pura adakun
Halli tula jhopetach paahato durun
Asa kasa baaba dew lekaraala deto
Lawakar jaato ani ushiraann yeto
Baalapan gele tujhe guj nisatun
Ure kaay tujhya-maajhya onjali madhun
Jari yete othhi tujhya maajhyaasaathhi hase
Najaret tujhya kaahi anolakhi dise
Tujhya jagaatun baaba harawel ka g ? 
Mothhepani baaba tula athhawel ka g ?
Saasuraala jaata-jaata unbarathhyaamadhye
Baabaasaathhi yeil ka paani dolyaanmadhye ?