Krishna, Keshva, Kanhaiya, Kanha / कृष्णा, केशवा, कन्हैया, कान्हा

कृष्णा, केशवा, कन्हैया, कान्हा
देवकीचा हा पुत्र जाहला कृष्ण यशोदेचा
कृष्ण म्हणू दे कुणी मजला लळा केशवाचा 
केशव असू दे तुझा तयाला म्हणेन मी  कान्हा 
कशास म्हणसी कान्हा माझ्या कन्हैयास या पुन्हा 
श्याम मुरारी सावळा वाजवी मुरली गोकुळा 

रूप साजिरे तुझे पाहता मी भुलले मजला रे 
तव तेजाने ज्ञान जगाचे आठवले मजला रे 
सूर मनातील माझे तुझिया मुरलीने गावे
ताल ऐकता सहजच माझे पैंजण नाचावे
श्याम मुरारी सावळा, वाजवी मुरली गोकुळा

काळोखाचे काजळ काळे 
अंधाराने मिटले डोळे
स्वप्न रातीचे आता सरले 
आकाशीचे रंग उजळले
अंगी रंग रंगता गोड दिस जावा 
कृष्णाभोवती मायेचा फेर धरावा 
ओंजळीतल्या फुलासारखे जपायचे बाळा 
तू रुसला, रडला तर पाणी आपुल्याच डोळा
श्याम मुरारी सावळा, वाजवी मुरली गोकुळा

कशास आता मजला चिंता 
गोकुळात मी इथे नांदता 
अपार ममता मजला देता
देवकी परी माय यशोदा 
माझे जीवन आता झाले तुझे नंदलाला
तुझ्याच भजनी रमलो मी हा लागे छंद मला
श्याम मुरारी सावळा, वाजवी मुरली गोकुळा

Krishna, keshawa, kanhaiya, kaanha
Dewakicha ha putr jaahala krishn yashodecha
Krishn mhanu de kuni majala lala keshawaacha 
Keshaw asu de tujha tayaala mhanen mi  kaanha 
Kashaas mhanasi kaanha maajhya kanhaiyaas ya punha 
Shyaam muraari saawala waajawi murali gokula 

Rup saajire tujhe paahata mi bhulale majala re 
Taw tejaane jnjaan jagaache athhawale majala re 
Sur manaatil maajhe tujhiya muraline gaawe
Taal aikata sahajach maajhe painjan naachaawe
Shyaam muraari saawala, waajawi murali gokula

Kaalokhaache kaajal kaale 
Andhaaraane mitale dole
Swapn raatiche ata sarale 
Akaashiche rng ujalale
Angi rng rngata god dis jaawa 
Krishnaabhowati maayecha fer dharaawa 
Onjalitalya fulaasaarakhe japaayache baala 
Tu rusala, radala tar paani apulyaach dola
Shyaam muraari saawala, waajawi murali gokula

Kashaas ata majala chinta 
Gokulaat mi ithe naandata 
Apaar mamata majala deta
Dewaki pari maay yashoda 
Maajhe jiwan ata jhaale tujhe nndalaala
Tujhyaach bhajani ramalo mi ha laage chhnd mala
Shyaam muraari saawala, waajawi murali gokula