माझ्या मराठीची गोडी
मला वाटते अवीट
माझ्या मराठीचा छंद
मना नित्य मोहवित
ज्ञानोबांची तुकयाची
मुक्तेशाची जनाईची
माझी मराठी चोखडी
रामदास शिवाजीची
या रे या रे अवघे जण
हाक मायमराठीची
बंध खळाळा गळाले
साक्ष भीमेच्या पाण्याची
डफ तुणतुणे घेऊन
उभी शाहीर मंडळी
मुजऱ्याची मानकरी
वीरांची ही मायबोली
नांगराचा चाले फाळ
अभंगाच्या तालावर
कोवळीक विसावली
पहाटेच्या जात्यावर
हिचे स्वरूप देखणे
हिची चाल तडफेची
हिच्या नेत्री प्रभा दाटे
सात्विकची कांचनाची
कृष्णा गोदा सिंधूजळ
हिची वाढवती कांती
आचार्यांचे आशीर्वाद
हिच्या मुखी वेद होती
माझ्या मराठीची थोरी
नित्य नवे रुप दावी
अवनत होई माथा
मुखी उमटते ओवी
Majhya Marathichi Godi Lyrics
Maajhya maraathhichi godi
Mala waatate awit
Maajhya maraathhicha chhnd
Mana nity mohawit
Jnjaanobaanchi tukayaachi
Mukteshaachi janaaichi
Maajhi maraathhi chokhadi
Raamadaas shiwaajichi
Ya re ya re awaghe jan
Haak maayamaraathhichi
Bndh khalaala galaale
Saaksh bhimechya paanyaachi
Daf tunatune gheun
Ubhi shaahir mndali
Mujaऱyaachi maanakari
Wiraanchi hi maayaboli
Naangaraacha chaale faal
Abhngaachya taalaawar
Kowalik wisaawali
Pahaatechya jaatyaawar
Hiche swarup dekhane
Hichi chaal tadafechi
Hichya netri prabha daate
Saatwikachi kaanchanaachi
Krishna goda sindhujal
Hichi waadhawati kaanti
Achaaryaanche ashirwaad
Hichya mukhi wed hoti
Maajhya maraathhichi thori
Nity nawe rup daawi
Awanat hoi maatha
Mukhi umatate owi
