Kala Jya Laglya Jeeva / कळा ज्या लागल्या जीवा

कळा ज्या लागल्या जीवा, मला की ईश्वरा ठाव्या
कुणाला काय हो त्यांचे, कुणाला काय सांगाव्या 

उरी या हात ठेवोनी, उरींचा शूल का जाई 
समुद्र चहुकडे पाणी, पिण्याला थेंबही नाही 
जनांच्या कोरड्या गप्पा, असे सारे जगद्बंधू
हमामा गर्जनेचा हो, न नेत्री एकही बिंदू 

नदीला पूर हा लोटे, न सेतू ना कुठे नावा 
भुतांची झुंज ही मागे, धडाडे चहुकडे दावा 
नदी लंघोनि जे गेले तयांची हाक ये कानी
इथे हे ओढती मागे मला बांधोनि पाशांनी 

कशी साहू पुढे मागे, जिवाला ओढ ती लागे 
तटातट काळजाचे हे, तुटाया लागती धागे 
पुढे जाऊ? वळू मागे? करू मी काय रे देवा ?
खडे मारी कुणी, कोणी हसे, कोणी करी हेवा 

Kala jya laagalya jiwa, mala ki ishwara thhaawya
Kunaala kaay ho tyaanche, kunaala kaay saangaawya 

Uri ya haat thhewoni, urincha shul ka jaai 
Samudr chahukade paani, pinyaala thenbahi naahi 
Janaanchya koradya gappa, ase saare jagadbndhu
Hamaama garjanecha ho, n netri ekahi bindu 

Nadila pur ha lote, n setu na kuthhe naawa 
Bhutaanchi jhunj hi maage, dhadaade chahukade daawa 
Nadi lnghoni je gele tayaanchi haak ye kaani
Ithe he odhati maage mala baandhoni paashaanni 

Kashi saahu pudhe maage, jiwaala odh ti laage 
Tataatat kaalajaache he, tutaaya laagati dhaage 
Pudhe jaau? walu maage? karu mi kaay re dewa ?
Khade maari kuni, koni hase, koni kari hewa