Ardhich Ratra Vedi / अर्धीच रात्र वेडी अर्धी पुरी शहाणी

अर्धीच रात्र वेडी अर्धी पुरी शहाणी 
भोळ्या सदाफुलीच्या ही रोजची कहाणी 

फुलले पुन्हा पुन्हा हा केला गुन्हा जगाचा 
ना जाहले कुणाची पत्त्यामधील राणी

येता भरून आले जाता सरून गेले 
नाही हिशेब केले येतील शाप कानी 

आता न सांध्य तारा करणार रे पहारा 
फुलणार नाही आता श्वासात गूढ गाणी 

शापू तरी कशाला या बेगडी जगाला 
मी कागदी फुलांनी भरतेच फुलदाणी 

Ardhich raatr wedi ardhi puri shahaani 
Bholya sadaafulichya hi rojachi kahaani 

Fulale punha punha ha kela gunha jagaacha 
Na jaahale kunaachi pattyaamadhil raani

Yeta bharun ale jaata sarun gele 
Naahi hisheb kele yetil shaap kaani 

Ata n saandhy taara karanaar re pahaara 
Fulanaar naahi ata shwaasaat gudh gaani 

Shaapu tari kashaala ya begadi jagaala 
Mi kaagadi fulaanni bharatech fuladaani