Visar Preet Visar Geet / विसर प्रीत विसर गीत

विसर प्रीत विसर गीत, विसर भेट आपुली 
यापुढे न चांदरात, यापुढे न सावली 

कंठ दाटतो असा, शब्दही मुळी न फुटे 
काळजात एक एक, तंतुही तसाच तुटे 
मीच मांडिल्या घरात शून्यता विसावली 

शब्द तू दिलास एक, राहिलो विसंबुनी 
वंचिलेस गे अखेर तूच शपथ मोडुनी 
तू उगाच स्वप्न्वेल संशयात जाळिली 

डोळियांत मी तुझ्या अखेर पाप जाहलो 
झेलण्या उरी कलंक एकटाच राहिलो 
विश्व मोकळे तुला, मला चिताच लाभली 

Wisar prit wisar git, wisar bhet apuli 
Yaapudhe n chaandaraat, yaapudhe n saawali 

Knthh daatato asa, shabdahi muli n fute 
Kaalajaat ek ek, tntuhi tasaach tute 
Mich maandilya gharaat shunyata wisaawali 

Shabd tu dilaas ek, raahilo wisnbuni 
Wnchiles ge akher tuch shapath moduni 
Tu ugaach swapnwel snshayaat jaalili 

Doliyaant mi tujhya akher paap jaahalo 
Jhelanya uri kalnk ekataach raahilo 
Wishw mokale tula, mala chitaach laabhali