Asach Yava Pahatvara / असाच यावा पहाटवारा, जसा वितळतो पावा

असाच यावा पहाटवारा, जसा वितळतो पावा
आरसपानी सूर मुलायम असाच निथळत यावा

अस्मानाला असा चढावा कैफ सात रंगांचा
मावळतीला चंद्र झुकावा जरा फिकट अंगाचा
हळव्या पानांतून मोहरत मोहक गंध फुलावा

भरून यावा कंठ खगांचा आणि फुटावे गाणे
व्हावी उन्मन कुणी कोकिळा त्यांच्या मधुर स्वराने
हुंकारातुन असा ओघळत शब्द प्रीतिचा यावा

प्रशांततेवर कुणी स्मिताची रेघ अशी रेखावी
मिठीतले क्षण दिठीत टिपण्या तू मजजवळ असावी
लाजलाजुनी असा फुलोरा वेलीवर लहरावा

झुळझुळणार्‍या निर्झरिणींची चरणगती तू घ्यावी
मला पाहण्या तुझी लोचने अशीच झुरत असावी
तव अधरांतिल मरंद माझ्या ओठांवर उतरावा

Asaach yaawa pahaatawaara, jasa witalato paawa
Arasapaani sur mulaayam asaach nithalat yaawa

Asmaanaala asa chadhaawa kaif saat rngaancha
Maawalatila chndr jhukaawa jara fikat angaacha
Halawya paanaantun moharat mohak gndh fulaawa

Bharun yaawa knthh khagaancha ani futaawe gaane
Whaawi unman kuni kokila tyaanchya madhur swaraane
Hunkaaraatun asa oghalat shabd priticha yaawa

Prashaantatewar kuni smitaachi regh ashi rekhaawi
Mithhitale kshan dithhit tipanya tu majajawal asaawi
Laajalaajuni asa fulora weliwar laharaawa

Jhulajhulanaar‍aya nirjharininchi charanagati tu ghyaawi
Mala paahanya tujhi lochane ashich jhurat asaawi
Taw adharaantil marnd maajhya othhaanwar utaraawa