Purtata Mazya Vyathechi / पूर्तता माझ्या व्यथेची माझिया मृत्यूत व्हावी

पूर्तता माझ्या व्यथेची माझिया मृत्यूत व्हावी
जीवनापासून माझ्या या मला मुक्ती मिळावी

वेदनेला अंत नाही अन्‌ कुणाला खंत नाही
गांजणा-या वासनांची बंधने सारी तुटावी

संपली माझी प्रतीक्षा, गोठली माझी अपेक्षा
कापलेले पंख माझे, लोचने आता मिटावी

सोबती काही जिवाचे मात्र यावे न्यावयाला
तारकांच्या मांडवाखाली चिता माझी जळावी

काय सांगावे तुला मी, काय मी बोलू तुझ्याशी
राख मी झाल्यावरी गीते तुला माझी स्मरावी

Purtata maajhya wyathechi maajhiya mrityut whaawi
Jiwanaapaasun maajhya ya mala mukti milaawi

Wedanela ant naahi an‌ kunaala khnt naahi
Gaanjana-ya waasanaanchi bndhane saari tutaawi

Snpali maajhi pratiksha, gothhali maajhi apeksha
Kaapalele pnkh maajhe, lochane ata mitaawi

Sobati kaahi jiwaache maatr yaawe nyaawayaala
Taarakaanchya maandawaakhaali chita maajhi jalaawi

Kaay saangaawe tula mi, kaay mi bolu tujhyaashi
Raakh mi jhaalyaawari gite tula maajhi smaraawi