Movie - Aparadh
Lyrics - Madhusudan Kalelkar
Music - N. Datta
Singers - Suman Kalyanpur, Mahendra Kapoor
Actors - Ramesh Dev, Seema

चित्रपट -अपराध (१९६९)
गीत - मधुसूदन कालेलकर
संगीत - एन्‌. दत्ता
स्वर - सुमन कल्याणपूर, महेंद्र कपूर
राग - भैरवी (नादवेध)
कलाकार - रमेश देव, सीमा

गीत - सांग कधी कळणार तुला भाव माझ्या मनातला !
रंग कधी दिसणार तुला लाजणाऱ्या फुलातला ?

गंधित नाजुक पानांमधुनी, सूर छेडिते अलगद कुणी
अर्थ कधी कळणार तुला, धुंदणाऱ्या सुरातला ?

निळसर चंचल पाण्यावरती, लयीत एका तरंग उठती
छंद कधी कळणार तुला, नाचणाऱ्या जलातला

जुळता डोळे एक वेळी, धीट पापणी झुकली खाली
खेळ कधी कळणार तुला, दोन वेड्या जीवातला