Marathi Songs

Marathi Songs's Lyrics

Jogiya - Konyat Zopli Sitaar / जोगीया - कोन्यात झोपली सतार, सरला रंग

कोन्यात झोपली सतार, सरला रंग
पसरली पैंजणे सैल टाकुनी अंग
दूमडला गालीचा तक्के झुकले खाली
तबकात राहीले देठ, लवंगा, साली

थांबले रसिकजन होते ज्याच्यासाठी
ते डावलुनी तू दार दडपिले पाठी
साधता विड्याचा घाट, उमटली तान
वर लवंग ठसता होसी कशी बेभान
चित्रात रेखिता चित्र बोलले ऐने
का नीर लोचनी आज तुझ्या ग मैने ?

मी देह विकुनिया मागुन घेते मोल
जगविते प्राण हे ओपुनिया अनमोल
रक्‍तात रुजविल्या भांगेच्या मी बागा
ना पवित्र देही तिळाएवढी जागा

शोधीत एकदा घटकेचा विश्राम 
भांगेत पेरुनी तुळस परतला श्याम
सावळा तरुण तो खराच गं वनमाली
लाविते पान, तो निघून गेला खाली

अस्पष्ट स्मरे मज वेडा त्याचा भाव
पुसलेही नाही मी मंगल त्याचे नाव
बोलला हळू तो दबकत नवख्यावाणी
मम प्रीती आहे जडली तुजवर राणी

नीतीचा उघडिला खुला जिथे व्यापार
बावळा तिथे हा इष्का गणितो प्यार
हासून म्हणाले, दाम वाढवा थोडा
या पुन्हा पान घ्या, निघून गेला वेडा

तो हाच दिवस हो, हीच तिथी, ही रात
ही अशीच होते बसले परी रतिक्लांत
वळूनी न पाहता, कापीत अंधाराला
तो तारा तुटतो तसा खालती गेला

हा विडा घडवूनि करिते त्याचे ध्यान
त्या खुळ्या प्रीतीचा खुळाच हा सन्मान
ही तिथी पाळीते व्रतस्थ राहुनी अंगे
वर्षात एकदा असा जोगीया रंगे 


Jogiya - Konyat Zopli Sitaar Lyrics

Konyaat jhopali sataar, sarala rng
Pasarali painjane sail taakuni ang
Dumadala gaalicha takke jhukale khaali
Tabakaat raahile dethh, lawnga, saali

Thaanbale rasikajan hote jyaachyaasaathhi
Te daawaluni tu daar dadapile paathhi
Saadhata widyaacha ghaat, umatali taan
War lawng thhasata hosi kashi bebhaan
Chitraat rekhita chitr bolale aine
Ka nir lochani aj tujhya g maine ?

Mi deh wikuniya maagun ghete mol
Jagawite praan he opuniya anamol
Rak‍ataat rujawilya bhaangechya mi baaga
Na pawitr dehi tilaaewadhi jaaga

Shodhit ekada ghatakecha wishraam 
Bhaanget peruni tulas paratala shyaam
Saawala tarun to kharaach gn wanamaali
Laawite paan, to nighun gela khaali

Aspasht smare maj weda tyaacha bhaaw
Pusalehi naahi mi mngal tyaache naaw
Bolala halu to dabakat nawakhyaawaani
Mam priti ahe jadali tujawar raani

Niticha ughadila khula jithe wyaapaar
Baawala tithe ha ishka ganito pyaar
Haasun mhanaale, daam waadhawa thoda
Ya punha paan ghya, nighun gela weda

To haach diwas ho, hich tithi, hi raat
Hi ashich hote basale pari ratiklaant
Waluni n paahata, kaapit andhaaraala
To taara tutato tasa khaalati gela

Ha wida ghadawuni karite tyaache dhyaan
Tya khulya priticha khulaach ha sanmaan
Hi tithi paalite wratasth raahuni ange
Warshaat ekada asa jogiya rnge 
Unkown Person liked this

Song Videos

Konyat Zopali SatarProvided to YouTube by Sa Re Ga Ma Konyat Zopali Satar · Faiyaz Gharkul Mar 1970 ℗ Saregama India Ltd Released on: 1970-01-12 Auto-generated by ...

Additional Information

गीतकार : ग. दि. माडगूळकर, गायक : फैयाज, संगीतकार : सी. रामचंद्र, गीत संग्रह / चित्रपट : घरकुल (१९७०) / Lyricist : G. D. Madgulkar, Singer : Faiyaz, Music Director : C. Ramchandra, Album/Movie : Gharkul (1970)

Share this song

Marathi Songs Lyrics Submitted By

Umesh Gawade

Umesh Gawade

June 22 2013

geetmanjusha.com © 1999-2017 Manjusha Umesh | Privacy | Community Guidelines