Othi Tuzya Na Aale Adyaap Naav Maze / ओठी तुझ्या न आले अद्याप नाव माझे

अद्यापही सुर्‍याला माझा सराव नाही
अद्यापही पुरेसा हा घाव खोल नाही

येथे पिसून माझे काळीज बैसलो मी
आता भल्याभल्यांच्या हातात डाव नाही

हे दु:ख राजवर्खी, ते दु:ख मोरपंखी
जे जन्मजात दु:खी त्यांचा निभाव नाही

त्यांना कसे विचारू कोठे पहाट गेली
त्यांच्या पल्याड त्यांची कोठेच धाव नाही

जी काल पेटली ती वस्ती मुजोर होती
गावात सज्जनांच्या आता तणाव नाही 

झाले फरार कुठे संतप्त राजबिंडे
कोठेच आसवांचा बाका बनाव नाही

गर्दित गारद्यांच्या सामील रामशास्त्री
मेल्याविन मढ्याला आता उपाव नाही

जावे कुण्या ठिकाणी उध्वस्त पापियांनी
संतांतही घराच्या राखेस भाव नाही

उच्चारणार नाही कोणीच शापवाणी
तैसा ऋषीमुनींचा लेखी ठराव नाही

साध्याच माणसांचा एल्गार येत आहे
हा थोर गाडुंळाचा भोंदू जमाव नाही

ओठी तुझ्या न आले अद्याप नाव माझे
अन् ओठ शोधण्याचा माझा स्वभाव नाही

Adyaapahi sur‍ayaala maajha saraaw naahi
Adyaapahi puresa ha ghaaw khol naahi

Yethe pisun maajhe kaalij baisalo mi
Ata bhalyaabhalyaanchya haataat daaw naahi

He du:akh raajawarkhi, te du:akh morapnkhi
Je janmajaat du:akhi tyaancha nibhaaw naahi

Tyaanna kase wichaaru kothhe pahaat geli
Tyaanchya palyaad tyaanchi kothhech dhaaw naahi

Ji kaal petali ti wasti mujor hoti
Gaawaat sajjanaanchya ata tanaaw naahi 

Jhaale faraar kuthhe sntapt raajabinde
Kothhech asawaancha baaka banaaw naahi

Gardit gaaradyaanchya saamil raamashaastri
Melyaawin madhyaala ata upaaw naahi

Jaawe kunya thhikaani udhwast paapiyaanni
Sntaantahi gharaachya raakhes bhaaw naahi

Uchchaaranaar naahi konich shaapawaani
Taisa rriashimunincha lekhi thharaaw naahi

Saadhyaach maanasaancha elgaar yet ahe
Ha thor gaadunlaacha bhondu jamaaw naahi

Othhi tujhya n ale adyaap naaw maajhe
An othh shodhanyaacha maajha swabhaaw naahi