Partichya Ya Vatevarti / परतीच्या या वाटेवरती

परतीच्या या वाटेवरती असेच काही घडते
निघता निघता वाटच वळते, पावलांत घुटमळते

डोळ्यांमधला ढगाआडचा पाऊस येतो
प्रतिबिंबांचा प्रदेश सगळा अंधुक अंधुक होतो
दूर दूर पण पुन्हा नव्याने वीज अशीच चमकते

कधी हसरा, दुखरा, क्षण यावा, निघून जावा
कधी अचानक जावे जखमांच्या गावा
लपवून आंसू हसरे गाणे मनामनात उमलते

हा रंगांचा शामल हिरवा उजेड झाला
आणि दिलेला हात कुणाचा उजाड झाला
काटा कोमल होतो आणिक हृदयी फूलच सलते

फुलातला हा गंध कुणाला दिसला नाही
कसा धरावा मुठीत तारा लपला नाही
आभासातून भास फिरावा तसे तसेच उमगते

Paratichya ya waatewarati asech kaahi ghadate
Nighata nighata waatach walate, paawalaant ghutamalate

Dolyaanmadhala dhagaaadacha paaus yeto
Pratibinbaancha pradesh sagala andhuk andhuk hoto
Dur dur pan punha nawyaane wij ashich chamakate

Kadhi hasara, dukhara, kshan yaawa, nighun jaawa
Kadhi achaanak jaawe jakhamaanchya gaawa
Lapawun ansu hasare gaane manaamanaat umalate

Ha rngaancha shaamal hirawa ujed jhaala
Ani dilela haat kunaacha ujaad jhaala
Kaata komal hoto anik hridayi fulach salate

Fulaatala ha gndh kunaala disala naahi
Kasa dharaawa muthhit taara lapala naahi
Abhaasaatun bhaas firaawa tase tasech umagate