Tula Pahile Mi Nadichya Kinari / तुला पाहिले मी नदीच्या किनारी

तुला पाहिले मी नदीच्या किनारी
तुझे केस पाठीवरी मोकळे
इथे दाट छायांतुनी रंग गळतात
या वृक्षमाळेतले सावळे !

तुझी पावले गे धुक्याच्या महालात
ना वाजली ना कधी नादली
निळागर्द भासे नभाचा किनारा
न माझी मला अन्‌ तुला सावली

मनावेगळी लाट व्यापे मनाला
जसा डोंगरी चंद्र हा मावळे
पुढे का उभी तू, तुझे दुःख झरते ?
जसे संचिताचे ऋतु कोवळे

अशी ओल जाता तुझ्या स्पंदनातून
आकांत माझ्या उरी केवढा
तमातूनही मंद तार्‍याप्रमाणे
दिसे की तुझ्या बिल्वरांचा चुडा

Tula paahile mi nadichya kinaari
Tujhe kes paathhiwari mokale
Ithe daat chhaayaantuni rng galataat
Ya wrikshamaaletale saawale !

Tujhi paawale ge dhukyaachya mahaalaat
Na waajali na kadhi naadali
Nilaagard bhaase nabhaacha kinaara
N maajhi mala an‌ tula saawali

Manaawegali laat wyaape manaala
Jasa dongari chndr ha maawale
Pudhe ka ubhi tu, tujhe duhkh jharate ?
Jase snchitaache rriatu kowale

Ashi ol jaata tujhya spndanaatun
Akaant maajhya uri kewadha
Tamaatunahi mnd taar‍ayaapramaane
Dise ki tujhya bilwaraancha chuda