Majhiya Priyala Preet Kalena (Shobha Gurtu) / माझिया प्रियाला प्रीत कळेना

माझिया प्रियाला प्रीत कळेना
अनुराग त्याचा माझा, हाय रे जुळेना

पावसात भिजतो श्रावण, सुखाचा महिना
आवरू मनाला कैसे मला ते जमेना
मुकी नेत्रभाषा त्याला कळूनी वळेना

यौवनात सुकते काया, दुःख आवरेना
वेदना उरीची छेडी मुक्या भावनांना
स्पर्श गोड अजूनी त्याचा सुखाचा मिळेना

वसंतात नाही बोले, श्रावणात नाही
कठोरास माझ्या मनिचे कळेनाच काही
रात रात शिणती डोळे, पापणी ढळेना

Maajhiya priyaala prit kalena
Anuraag tyaacha maajha, haay re julena

Paawasaat bhijato shraawan, sukhaacha mahina
Awaru manaala kaise mala te jamena
Muki netrabhaasha tyaala kaluni walena

Yauwanaat sukate kaaya, duhkh awarena
Wedana urichi chhedi mukya bhaawanaanna
Sparsh god ajuni tyaacha sukhaacha milena

Wasntaat naahi bole, shraawanaat naahi
Kathhoraas maajhya maniche kalenaach kaahi
Raat raat shinati dole, paapani dhalena