Maina Rani Chatur Shahani Sange / मैनाराणी, चतुर शहाणी, सांगे गोड कहाणी

मैनाराणी, चतुर शहाणी, सांगे गोड कहाणी
कहाणीत त्या पशुपक्ष्यांना अवगत असते वाणी

सिंह वनाचा असतो राजा, भिती त्याची चित्ती
वाघ वागतो भिऊन त्याला, गुडघे टेकी हत्ती
अति चतूर पण कोल्हा कोणी, सिंहा पाजी पाणी

कोल्ह्याचाही काढी काटा कोणी करकोचा
घरी बोलावुन पाण‍उतारा करी पाहुण्याचा 
कडीवरी त्या कडी करुनिया, टोला कोल्हा हाणी

शाल म्हणुनिया खाल पांघरे गाढव वाघाची
त्यास पाहता झोप उडाली जंगल भागाची
एक कोंबडा उघडकीस पण ढोंगच त्याचे आणी

Mainaaraani, chatur shahaani, saange god kahaani
Kahaanit tya pashupakshyaanna awagat asate waani

Sinh wanaacha asato raaja, bhiti tyaachi chitti
Waagh waagato bhiun tyaala, gudaghe teki hatti
Ati chatur pan kolha koni, sinha paaji paani

Kolhyaachaahi kaadhi kaata koni karakocha
Ghari bolaawun paana‍utaara kari paahunyaacha 
Kadiwari tya kadi karuniya, tola kolha haani

Shaal mhanuniya khaal paanghare gaadhaw waaghaachi
Tyaas paahata jhop udaali jngal bhaagaachi
Ek konbada ughadakis pan dhongach tyaache ani