Kadhi Bahar Kadhi Shishir / कधी बहर, कधी शिशीर

कधी बहर, कधी शिशीर, परंतू दोन्ही एक बहाणे
डोळयांमधले आसू पुसती ओठांवरले गाणे

बहर धुंद वेलीवर यावा, हळुच लाजरा पक्षी गावा
आणि अचानक गळुन पडावी विखरुन सगळी पाने

भान विसरुनी मिठी जुळावी, पहाट कधी झाली न कळावी
भिन्न दिशांना झुरत फिरावे, नंतर दोन दिवाणे

हळुच फुलांच्या बिलगुन गाली, नाजुक गाणी कुणी गाइली
आता उरली आर्त विराणी, सूरच केविलवाणे

जुळली हृदये सूर ही जुळले, तुझे नि माझे गीत तरळले
व्याकुळ डोळे कातरवेळ, स्मरुन आता जाणे

Kadhi bahar, kadhi shishir, parntu donhi ek bahaane
Dolayaanmadhale asu pusati othhaanwarale gaane

Bahar dhund weliwar yaawa, haluch laajara pakshi gaawa
Ani achaanak galun padaawi wikharun sagali paane

Bhaan wisaruni mithhi julaawi, pahaat kadhi jhaali n kalaawi
Bhinn dishaanna jhurat firaawe, nntar don diwaane

Haluch fulaanchya bilagun gaali, naajuk gaani kuni gaaili
Ata urali art wiraani, surach kewilawaane

Julali hridaye sur hi julale, tujhe ni maajhe git taralale
Wyaakul dole kaatarawel, smarun ata jaane