Anam Veera Jithe Jahla / अनाम वीरा जिथे जाहला तुझा जीवनांत

अनाम वीरा जिथे जाहला तुझा जीवनान्त
स्तंभ तिथे ना कुणी बांधला, पेटली ना वात

धगधगता समराच्या ज्वाला या देशाकाशी
जळावयास्तव संसारातुन उठोनिया जाशी

मूकपणाने तमी लोपती संध्येच्या रेषा
मरणामध्ये विलीन होसी, ना भय ना आशा

जनभक्तीचे तुझ्यावरी नच उधाणले भाव
रियासतीवर नसे नोंदले कुणी तुझे नाव

जरी न गातील भाट डफावर तुझे यशोगान
सफल जाहले तुझेच हे रे तुझे बलिदान

काळोखातुनि विजयाचा हे पहाटचा तारा
प्रणाम माझा पहिला तुजला मृत्युंजय वीरा

Anaam wira jithe jaahala tujha jiwanaant
Stnbh tithe na kuni baandhala, petali na waat

Dhagadhagata samaraachya jwaala ya deshaakaashi
Jalaawayaastaw snsaaraatun uthhoniya jaashi

Mukapanaane tami lopati sndhyechya resha
Maranaamadhye wilin hosi, na bhay na asha

Janabhaktiche tujhyaawari nach udhaanale bhaaw
Riyaasatiwar nase nondale kuni tujhe naaw

Jari n gaatil bhaat dafaawar tujhe yashogaan
Safal jaahale tujhech he re tujhe balidaan

Kaalokhaatuni wijayaacha he pahaatacha taara
Pranaam maajha pahila tujala mrityunjay wira