Jan Palbhar Mhantil / जन पळभर म्हणतील हाय हाय

जन पळभर म्हणतिल 'हाय हाय'!
मी जाता राहिल कार्य काय ?

सूर्य तळपतिल, चंद्र झळकतिल
तारे अपुला क्रम आचरतिल
असेच वारे पुढे वाहतिल
होईल काही का अंतराय ?

मेघ वर्षतिल, शेते पिकतिल
गर्वाने या नद्या वाहतिल
कुणा काळजी की न उमटतिल
पुन्हा तटावर हेच पाय

सखे सोयरे डोळे पुसतिल
पुन्हा आपुल्या कामी लागतिल
उठतिल, बसतिल, हसुनि खिदळतिल
मी जाता त्यांचे काय जाय ?

अशा जगास्तव काय कुढावे
मोही कुणाच्या का गुंतावे
हरिदूता का विन्मुख व्हावे
का जिरवु नये शांतीत काय ?

Jan palabhar mhanatil 'ahaay haaya'a!
Mi jaata raahil kaary kaay ?

Sury talapatil, chndr jhalakatil
Taare apula kram acharatil
Asech waare pudhe waahatil
Hoil kaahi ka antaraay ?

Megh warshatil, shete pikatil
Garwaane ya nadya waahatil
Kuna kaalaji ki n umatatil
Punha tataawar hech paay

Sakhe soyare dole pusatil
Punha apulya kaami laagatil
Uthhatil, basatil, hasuni khidalatil
Mi jaata tyaanche kaay jaay ?

Asha jagaastaw kaay kudhaawe
Mohi kunaachya ka guntaawe
Hariduta ka winmukh whaawe
Ka jirawu naye shaantit kaay ?