Ashi Pakhare Yeti / अशी पाखरे येती आणिक स्मृती ठेवूनी जाती

अशी पाखरे येती आणिक स्मृती ठेवूनी जाती
दोन दिसांची रंगतसंगत, दोन दिसांची नाती

चंद्र कोवळा पहिला वहिला, झाडामागे उभा राहिला
जरा लाजूनी जाय उजळूनी, काळोखाच्या राती

फुलून येता फुल बोलले, मी मरणावर हृदय तोलले
नव्हते नंतर परि निरंतर गंधित झाली माती

हात एक तो हळू थरथरला, पाठीवर मायेने फिरला
देवघरातील समयीमधूनी, अजून जळती वाती

कुठे कुणाच्या घडल्या भेटी, गीत एक मोहरले ओठी
त्या जुळल्या हृदयांची गाथा, सूर अजुनही गाती

Ashi paakhare yeti anik smriti thhewuni jaati
Don disaanchi rngatasngat, don disaanchi naati

Chndr kowala pahila wahila, jhaadaamaage ubha raahila
Jara laajuni jaay ujaluni, kaalokhaachya raati

Fulun yeta ful bolale, mi maranaawar hriday tolale
Nawhate nntar pari nirntar gndhit jhaali maati

Haat ek to halu tharatharala, paathhiwar maayene firala
Dewagharaatil samayimadhuni, ajun jalati waati

Kuthhe kunaachya ghadalya bheti, git ek moharale othhi
Tya julalya hridayaanchi gaatha, sur ajunahi gaati