Vel Zali Bhar Madhyanha / माझ्या प्रीतीच्या फुला

वेळ झाली भर माध्यान्ह, माथ्यावर तळपे ऊन
नको जाऊ कोमेजुन, माझ्या प्रीतीच्या फुला

तप्त दिशा झाल्या चारी, भाजतसे सृष्टी सारी
कसा तरी जीव धरी, माझ्या प्रीतीच्या फुला

वाहतात वारे जळते, पोळतात फुलत्या तनु ते
चित्त इथे मम हळहळते, माझ्या प्रीतीच्या फुला

माझी छाया माझ्याखाली, तुजसाठी आसावली
कशी करू तुज सावली, माझ्या प्रीतीच्या फुला

दाटे दोन्ही डोळा पाणी, आटे नयनांतच सुकोनी
कसे घालू तुज आणुनी, माझ्या प्रीतीच्या फुला

मृगजळाच्या तरंगात, नभाच्या निळ्या रंगात
चल रंगू सारंगात, माझ्या प्रीतीच्या फुला

Anil atmaaraam raawaji deshapaande 

Wel jhaali bhar maadhyaanh, maathyaawar talape un
Nako jaau komejun, maajhya pritichya fula

Tapt disha jhaalya chaari, bhaajatase srishti saari
Kasa tari jiw dhari, maajhya pritichya fula

Waahataat waare jalate, polataat fulatya tanu te
Chitt ithe mam halahalate, maajhya pritichya fula

Maajhi chhaaya maajhyaakhaali, tujasaathhi asaawali
Kashi karu tuj saawali, maajhya pritichya fula

Daate donhi dola paani, ate nayanaantach sukoni
Kase ghaalu tuj anuni, maajhya pritichya fula

Mrigajalaachya tarngaat, nabhaachya nilya rngaat
Chal rngu saarngaat, maajhya pritichya fula