Eka Talyat Hoti Badake / एका तळ्यात होती, बदके पिले सुरेख

एका तळ्यात होती बदके पिले सुरेख
होते कुरूप वेडे पिल्लू तयांत एक

कोणी न त्यास घेई खेळावयास संगे
सर्वांहुनी निराळे ते वेगळे तरंगे
दावूनि बोट त्याला म्हणती हसून लोक
आहे कुरूप वेडे पिल्लू तयांत एक

पिल्लास दुःख भारी, भोळे रडे स्वतःशी
भावंड ना विचारी, सांगेल ते कुणाशी
जे ते तयास टोची दावी उगाच धाक
आहे कुरूप वेडे पिल्लू तयांत एक

एके दिनी परंतु पिल्लास त्या कळाले
भय वेड पार त्याचे वार्‍यासवे पळाले
पाण्यात पाहताना चोरूनिया क्षणैक
त्याचेच त्या कळाले, तो राजहंस एक

Eka talyaat hoti badake pile surekh
Hote kurup wede pillu tayaant ek

Koni n tyaas ghei khelaawayaas snge
Sarwaanhuni niraale te wegale tarnge
Daawuni bot tyaala mhanati hasun lok
Ahe kurup wede pillu tayaant ek

Pillaas duhkh bhaari, bhole rade swathshi
Bhaawnd na wichaari, saangel te kunaashi
Je te tayaas tochi daawi ugaach dhaak
Ahe kurup wede pillu tayaant ek

Eke dini parntu pillaas tya kalaale
Bhay wed paar tyaache waar‍ayaasawe palaale
Paanyaat paahataana choruniya kshanaik
Tyaachech tya kalaale, to raajahns ek