Ushakal Hota Hota / उषःकाल होता होता, काळरात्र झाली

उषःकाल होता होता, काळरात्र झाली 
अरे पुन्हा आयुष्यांच्या पेटवा मशाली

आम्ही चार किरणांची ही आस का धरावी
जे कधीच नव्हते त्याची वाट का पहावी
कसा सूर्य अंधाराच्या वाहतो पखाली

तिजोर्‍यात केले त्यांनी बंद स्वर्ग साती
आम्हावरी संसाराची उडे धूळ माती
आम्ही ती स्मशाने ज्यांना, प्रेत ही ना वाली

उभा देश झाला आता एक बंदिशाला
जिथे देवकीचा पान्हा दुधाने जळाला
कसे पुण्य दुर्देवी अन पाप भाग्यशाली

धुमसतात अजुनि विझल्या चितांचे निखारे
अजुन रक्त मागत उठती वधस्तंभ सारे
आसवेच स्वातंत्र्याची आम्हाला मिळाली

Ushhkaal hota hota, kaalaraatr jhaali 
Are punha ayushyaanchya petawa mashaali

Amhi chaar kiranaanchi hi as ka dharaawi
Je kadhich nawhate tyaachi waat ka pahaawi
Kasa sury andhaaraachya waahato pakhaali

Tijor‍ayaat kele tyaanni bnd swarg saati
Amhaawari snsaaraachi ude dhul maati
Amhi ti smashaane jyaanna, pret hi na waali

Ubha desh jhaala ata ek bndishaala
Jithe dewakicha paanha dudhaane jalaala
Kase puny durdewi an paap bhaagyashaali

Dhumasataat ajuni wijhalya chitaanche nikhaare
Ajun rakt maagat uthhati wadhastnbh saare
Asawech swaatntryaachi amhaala milaali