Paus Kadhicha Padto / पाऊस कधीचा पडतो, झाडांची हलती पाने

पाऊस कधीचा पडतो, झाडांची हलती पाने
हलकेच जाग मज आली, दुःखाच्या मंद सुराने

डोळयात उतरले पाणी, पाण्यावर डोळे फिरती
दुःखाचा उतरला पारा, या नितळ उतरणी वरती

पेटून कशी उजळेना, ही शुभ्र फुलांची ज्वाला
तार्‍यांच्या प्रहरापाशी पाऊस असा कोसळला

संदिग्ध ढगांच्या ओळी आकाश ढवळतो वारा
माझ्याच किनार्‍यावरती लाटांचा आज पहारा

Paaus kadhicha padato, jhaadaanchi halati paane
Halakech jaag maj ali, duhkhaachya mnd suraane

Dolayaat utarale paani, paanyaawar dole firati
Duhkhaacha utarala paara, ya nital utarani warati

Petun kashi ujalena, hi shubhr fulaanchi jwaala
Taar‍ayaanchya praharaapaashi paaus asa kosalala

Sndigdh dhagaanchya oli akaash dhawalato waara
Maajhyaach kinaar‍ayaawarati laataancha aj pahaara