Shravanat Ghan Neela / श्रावणात घन निळा बरसला, रिमझिम रेशिमधारा

श्रावणात घन निळा बरसला, रिमझिम रेशिमधारा
उलगडला झाडांतुन अवचित हिरवा मोरपिसारा

जागुनि ज्याची वाट पाहिली ते सुख आले दारी
जिथे तिथे राधेला भेटे आता श्याम मुरारी
माझ्याही ओठांवर आले नाव तुझेच उदारा

रंगाच्या रानात हरवले हे स्वप्नांचे पक्षी
निळया रेशमी पाण्यावरती थेंब-बावरी नक्षी
गतजन्मीची ओळख सांगत आला गंधित वारा

पाचुच्या हिरव्या माहेरी ऊन हळदीचे आले
माझ्या भाळावर थेंबाचे फुलपाखरूझाले
मातीच्या गंधाने भरला गगनाचा गाभारा

पानोपानी शुभशकुनाच्या कोमल ओल्या रेषा
अशा प्रीतिचा नाद अनाहत शब्दावाचुन भाषा
अंतयार्मी सूर गवसला नाही आज किनारा

Shraawanaat ghan nila barasala, rimajhim reshimadhaara
Ulagadala jhaadaantun awachit hirawa morapisaara

Jaaguni jyaachi waat paahili te sukh ale daari
Jithe tithe raadhela bhete ata shyaam muraari
Maajhyaahi othhaanwar ale naaw tujhech udaara

Rngaachya raanaat harawale he swapnaanche pakshi
Nilaya reshami paanyaawarati thenb-baawari nakshi
Gatajanmichi olakh saangat ala gndhit waara

Paachuchya hirawya maaheri un haladiche ale
Maajhya bhaalaawar thenbaache fulapaakharujhaale
Maatichya gndhaane bharala gaganaacha gaabhaara

Paanopaani shubhashakunaachya komal olya resha
Asha priticha naad anaahat shabdaawaachun bhaasha
Antayaarmi sur gawasala naahi aj kinaara