Bagh Mazi Aathawan Yete Ka? / बघ माझी आठवण येते का?

मुसळधार पाऊस खिडकीत उभं राहून पहा
बघ माझी आठवण येते का?

हात लांबव, तळहातांवर झेल पावसाचं पाणी
इवलसं तळं पिऊन टाक
बघ माझी आठवण येते का?

वार्‍याने उडणारे पावसाचे थेंब चेहर्‍यावर घे
डोळे मिटून घे, तल्लीन हो
नाहिच जाणवलं काही तर बाहेर पड, समुद्रावर ये
तो उधाणलेला असेलच, पाण्यात पाय बुडवून उभी रहा
वाळू सरकेल पायाखाली, बघ माझी आठवण येते का?

मग चालू लाग, पावसाच्या अगणित सुया टोचून घे
चालत रहा पाऊस थांबेपर्यत, तो थांबणार नाहिच, शेवटी घरी ये
साडी बदलू नकोस, केस पुसू नकोस, पुन्हा त्याच खिडकीत ये
आता नवर्‍याची वाट बघ, बघ माझी आठवण येते का?

दारावर बेल वाजेल, दार उघड, नवरा असेल
त्याच्या हातातली बॅग घे, रेनकोट तो स्वतःच काढ़ेल
तो विचारेल तूला तुझ्या भिजण्याचं कारण, तू म्हणं घर गळतयं
मग चहा कर, तूही घे
तो उठून पंकज उधास लावेल, तो तू बंद कर
किशोरीचं सहेलारे लाव, बघ माझी आठवण येते का?

मग रात्र होईल तो तुला कुशीत घेईल, म्हणेल तू मला आवडतेस
पण तुही तसचं म्हणं
विजांचा कडकडात होईल, ढ़गांचा गडगडाट होईल
तो त्या कुशीवर वळेल, त्याच्या पाठमोर्‍या शरीराकडे बघ
बघ माझी आठवण येते का?

यानंतर सताड डोळ्यांनी छप्पर पहायला विसरू नकोस
यानंतर बाहेरचा पाऊस नुसता ऐकण्याचा प्रयत्न कर
यानंतर उशीखाली सुरी घे, झोपी जाण्याचा प्रयत्न कर
येत्या पावसाळ्यात एक दिवसतरी, बघ माझी आठवण येते का?

Musaladhaar paaus khidakit ubhn raahun paha
Bagh maajhi athhawan yete ka?
Haat laanbaw, talahaataanwar jhel paawasaachn paani
Iwalasn taln piun taak
Bagh maajhi athhawan yete ka?
Waar‍ayaane udanaare paawasaache thenb chehar‍ayaawar ghe
Dole mitun ghe, tallin ho
Naahich jaanawaln kaahi tar baaher pad, samudraawar ye
To udhaanalela aselach, paanyaat paay budawun ubhi raha
Waalu sarakel paayaakhaali, bagh maajhi athhawan yete ka?
Mag chaalu laag, paawasaachya aganit suya tochun ghe
Chaalat raha paaus thaanbeparyat, to thaanbanaar naahich, shewati ghari ye
Saadi badalu nakos, kes pusu nakos, punha tyaach khidakit ye
Ata nawar‍ayaachi waat bagh, bagh maajhi athhawan yete ka?
Daaraawar bel waajel, daar ughad, nawara asel
Tyaachya haataatali baॅag ghe, renakot to swathch kaढ़el
To wichaarel tula tujhya bhijanyaachn kaaran, tu mhann ghar galatayn
Mag chaha kar, tuhi ghe
To uthhun pnkaj udhaas laawel, to tu bnd kar
Kishorichn sahelaare laaw, bagh maajhi athhawan yete ka?
Mag raatr hoil to tula kushit gheil, mhanel tu mala awadates
Pan tuhi tasachn mhann
Wijaancha kadakadaat hoil, ढ़agaancha gadagadaat hoil
To tya kushiwar walel, tyaachya paathhamor‍aya shariraakade bagh
Bagh maajhi athhawan yete ka?
Yaanntar sataad dolyaanni chhappar pahaayala wisaru nakos
Yaanntar baaheracha paaus nusata aikanyaacha prayatn kar
Yaanntar ushikhaali suri ghe, jhopi jaanyaacha prayatn kar
Yetya paawasaalyaat ek diwasatari, bagh maajhi athhawan yete ka?