Marathi Songs

Marathi Songs's Lyrics

Jethe Raghav Tethe Sita / निरोप कसला माझा घेता, जेथे राघव तेथे सीता

निरोप कसला माझा घेता 
जेथे राघव तेथे सीता 

ज्या मार्गे हे चरण चालती 
त्या मार्गी मी त्यांच्या पुढती 
वनवासाची मला न भीती 
संगे आपण भाग्यविधाता 

संगे असता नाथा आपण 
प्रासादाहून प्रसन्न कानन 
शिळेस म्हणतील जन सिंहासन 
रघुकुलशेखर वरी बैसता 

वनी श्वापदे क्रूर निशाचर 
भय ना तयांचे मजसी तिळभर 
पुढती मागे दोन धनुर्धर 
चाप त्या करी, पाठीस भाता 

ज्या चरणांच्या लाभासाठी 
दडले होते धरणी पोटी 
त्या चरणांचा विरह शेवटी 
काय दिव्य हे मला सांगता 

कोणासाठी सदनी राहू 
का विरहाच्या उन्हांत न्हाऊ 
का भरतावर छत्रे पाहू 
दास्य का करू कारण नसता 

का कैकयी वर मिळवी तिसरा 
का अपुल्याही मनी मंथरा 
का छळीता मग वृथा अंतरा 
एकटीस मज का हो त्यजिता 

विजनवास या आहे दैवी 
ठाऊक होते मला शैशवी 
सुखदुःखांकित जन्म मानवी 
दुःख सुखावे प्रीती लाभता 

तोडा आपण, मी न तोडिते 
शतजन्मांचे अपुले नाते 
वनवासासी मी ही येते 
जाया पती का दोन मानिता 

पतीच छाया, पतीच भूषण 
पती चरणांचे अखंड पूजन 
हे आर्यांचे नारीजीवन 
अंतराय का त्यात आणिता 

मूक राहता का हो आता 
कितीदा ठेऊ चरणी माथा 
असेन चुकले कुठे बोलता 
असेन चुकले कधी बोलता 
क्षमा करावी जानकीनाथा 
Nirop kasala maajha gheta 
Jethe raaghaw tethe sita 

Jya maarge he charan chaalati 
Tya maargi mi tyaanchya pudhati 
Wanawaasaachi mala n bhiti 
Snge apan bhaagyawidhaata 

Snge asata naatha apan 
Praasaadaahun prasann kaanan 
Shiles mhanatil jan sinhaasan 
Raghukulashekhar wari baisata 

Wani shwaapade krur nishaachar 
Bhay na tayaanche majasi tilabhar 
Pudhati maage don dhanurdhar 
Chaap tya kari, paathhis bhaata 

Jya charanaanchya laabhaasaathhi 
Dadale hote dharani poti 
Tya charanaancha wirah shewati 
Kaay diwy he mala saangata 

Konaasaathhi sadani raahu 
Ka wirahaachya unhaant nhaau 
Ka bharataawar chhatre paahu 
Daasy ka karu kaaran nasata 

Ka kaikayi war milawi tisara 
Ka apulyaahi mani mnthara 
Ka chhalita mag writha antara 
Ekatis maj ka ho tyajita 

Wijanawaas ya ahe daiwi 
Thhaauk hote mala shaishawi 
Sukhaduhkhaankit janm maanawi 
Duhkh sukhaawe priti laabhata 

Toda apan, mi n todite 
Shatajanmaanche apule naate 
Wanawaasaasi mi hi yete 
Jaaya pati ka don maanita 

Patich chhaaya, patich bhushan 
Pati charanaanche akhnd pujan 
He aryaanche naarijiwan 
Antaraay ka tyaat anita 

Muk raahata ka ho ata 
Kitida thheu charani maatha 
Asen chukale kuthhe bolata 
Asen chukale kadhi bolata 
Kshama karaawi jaanakinaatha 

Song Videos

Jethe raghav tethe seeta from Geet Ramayana by Sandhya GhadgeFor programmes Contact number:9819221125/8655050492.
Geet Ramayan (Marathi) - Pune Akashwani 1955-1956Lyrics : GD Madgulkar Music: Sudhir Phadke Songs 1 Svaye ShriRam Prabhu - Sudhir Phadke 2 Sarayu Tiravari Ayodhya - Pramodini Joshi, Mandakini Pande ...

Additional Information

गीतकार : ग.दि.माडगूळकर, गायक : सुधीर फडके, संगीतकार : सुधीर फडके, गीत संग्रह / चित्रपट : गीतरामायण/ Lyricist : G.D. Madgulkar, Singer : Sudhir Phadke, Music Director : Sudhir Phadke, Album/Movie : Geet Ramayan

Share this song

Marathi Songs Lyrics Submitted By

Manjusha Sawant

April 19 2013

geetmanjusha.com © 1999-2017 Manjusha Umesh | Privacy | Community Guidelines