Marathi Songs

Marathi Songs's Lyrics

Mazya Marathi Maticha Lava Lalatas Tila / माझ्या मराठी मातीचा, लावा ललाटास टिळा

माझ्या मराठी मातीचा, लावा ललाटास टिळा
हिच्या संगाने जागल्या, दर्‍याखोर्‍यांतील शिळा

हिच्या कुशीत जन्मले, काळे कणखर हात
ज्यांच्या दुर्दम धीराने, केली मृत्यूवरी मात

नाही पसरला कर, कधी मागायास दान
स्वर्णसिंहासनापुढे, कधी लवली ना मान

हिच्या गगनांत घुमे, आद्य स्वातंत्र्याची द्वाही
हिच्या पुत्रांच्या बाहूंत, आहे समतेची ग्वाही

माझ्या मराठी मातीला, नका म्हणू हीन दीन
स्वर्गलोकाहून थोर, मला हिचे महिमान

रत्नजडित अभंग, ओवी अमृताची सखी
चारी वर्णांतुनी फिरे, सरस्वतीची पालखी

रसरंगात भिजला, येथे शृंगाराचा स्वर
येथे अहंता द्रवली, झाले वसुधेचे घर

माझ्या मराठी मातीचा, नका करू अवमान
हिच्या दारिद्य्रात आहे, भविष्याचे वरदान

माझ्या मराठी मातीचा, लावा ललाटास टिळा
हिच्या संगे जागतील, मायदेशांतील शिळा
Maajhya maraathhi maaticha, laawa lalaataas tila
Hichya sngaane jaagalya, dar‍ayaakhor‍ayaantil shila

Hichya kushit janmale, kaale kanakhar haat
Jyaanchya durdam dhiraane, keli mrityuwari maat

Naahi pasarala kar, kadhi maagaayaas daan
Swarnasinhaasanaapudhe, kadhi lawali na maan

Hichya gaganaant ghume, ady swaatntryaachi dwaahi
Hichya putraanchya baahunt, ahe samatechi gwaahi

Maajhya maraathhi maatila, naka mhanu hin din
Swargalokaahun thor, mala hiche mahimaan

Ratnajadit abhng, owi amritaachi sakhi
Chaari warnaantuni fire, saraswatichi paalakhi

Rasarngaat bhijala, yethe shringaaraacha swar
Yethe ahnta drawali, jhaale wasudheche ghar

Maajhya maraathhi maaticha, naka karu awamaan
Hichya daaridyraat ahe, bhawishyaache waradaan

Maajhya maraathhi maaticha, laawa lalaataas tila
Hichya snge jaagatil, maayadeshaantil shila

Song Videos

Marathi Maticha tilaThis is clip of program of Marathi maticha tila,held at Gadkari Rangayatan ,thane on feb 27 2013 ,when it was Marathi Bhasha Din. The program was about ...
7 वी मराठी, माझ्या मराठी मातीचाZoobe message for you.

Additional Information

गीतकार : कुसुमाग्रज, गायक : -, संगीतकार : -, गीत संग्रह/चित्रपट : - / Lyricist : Kusumagraj, Singer : -, Music Director : -, Album/Movie : -

Share this song

Marathi Songs Lyrics Submitted By

Swati Bhogle

Swati Bhogle

April 08 2013

geetmanjusha.com © 1999-2017 Manjusha Umesh | Privacy | Community Guidelines