Man Vadhal Vadhal / मन वढाळं, मन वढाळं, उभ्या पिकातलं ढोरं

मन वढाळं, वढाळं, उभ्या पिकातलं ढोरं
किती हाकला हाकला, फिरुन येतं पिकांवर

मन मोकाट मोकाट, याच्या ठाई ठाई वाटा
जशा वार्‍यानं चालल्या, पान्यावरल्या रे लाटा

मन पाखरु पाखरु, याची काय सांगू मात
आता होतं भुईवर, गेलं गेलं आभाळातं

मन जहरी जहरी, याचं न्यारं रे तंतर
अरे विंचू साप बरा, त्याला उतारे मंतर

मन एवढं एवढं, जसा खसखसचा दाणा
मन केवढं केवढं, त्यात आभाळ माईना

असं कसं मन देवा, असं कसं रे घडलं
कुठे जागेपणी तुला, असं सपन पडलं

Man wadhaaln, wadhaaln, ubhya pikaataln dhorn
Kiti haakala haakala, firun yetn pikaanwar

Man mokaat mokaat, yaachya thhaai thhaai waata
Jasha waar‍ayaann chaalalya, paanyaawaralya re laata

Man paakharu paakharu, yaachi kaay saangu maat
Ata hotn bhuiwar, geln geln abhaalaatn

Man jahari jahari, yaachn nyaarn re tntar
Are winchu saap bara, tyaala utaare mntar

Man ewadhn ewadhn, jasa khasakhasacha daana
Man kewadhn kewadhn, tyaat abhaal maaina

Asn kasn man dewa, asn kasn re ghadaln
Kuthhe jaagepani tula, asn sapan padaln