Myanatun Usale Talvarichi Paat / म्यानातून उसळे तरवारीची पात

म्यानातून उसळे तरवारीची पात
वेडात मराठे वीर दौडले सात

ते फिरता बाजूस डोळे, किंचित ओले
सरदार सहा सरसावुनि उठले शेले
रिकबीत टाकले पाय, झेलले भाले
उसळले धुळीचे मेघ सात निमिषात

आश्चर्यमुग्ध टाकून मागुती सेना
अपमान बुजविण्या सात अर्पुनी माना
छावणीत शिरले थेट भेट गनिमांना
कोसळल्या उल्का जळत सात दर्यात

खालून आग, वर आग, आग बाजूंनी
समशेर उसळली सहस्त्र क्रुर इमानी
गदीर्त लोपले सात जीव ते मानी
खग सात जळाले अभिमानी वणव्यात

दगडावर दिसतील अजूनि तेथल्या टाचा
ओढयात तरंगे अजूनि रंग रक्ताचा
क्षितिजावर उठतो अजूनि मेघ मातीचा
अद्याप विराणी कुणी वार्‍यावर गात

Myaanaatun usale tarawaarichi paat
Wedaat maraathhe wir daudale saat

Te firata baajus dole, kinchit ole
Saradaar saha sarasaawuni uthhale shele
Rikabit taakale paay, jhelale bhaale
Usalale dhuliche megh saat nimishaat

Ashcharyamugdh taakun maaguti sena
Apamaan bujawinya saat arpuni maana
Chhaawanit shirale thet bhet ganimaanna
Kosalalya ulka jalat saat daryaat

Khaalun ag, war ag, ag baajunni
Samasher usalali sahastr krur imaani
Gadirt lopale saat jiw te maani
Khag saat jalaale abhimaani wanawyaat

Dagadaawar disatil ajuni tethalya taacha
Odhayaat tarnge ajuni rng raktaacha
Kshitijaawar uthhato ajuni megh maaticha
Adyaap wiraani kuni waar‍ayaawar gaat