Kahi Bolayache Aahe / काही बोलायचे आहे, पण बोलणार नाही

काही बोलायाचे आहे, पण बोलणार नाही
देवळाच्या दारामध्ये भक्ती तोलणार नाही

माझ्या अंतरात गंध कल्प कुसुमांचा दाटे
पण पाकळी तयांची, कधी खुलणार नाही

नक्षत्रांच्या गावातले मला गवसले गुज
परि अक्षरांचा संग त्याला मिळणार नाही

मेघ जांभळा एकला राहे नभाच्या कडेला
त्याचे रहस्य कोणाला कधी कळणार नाही

दूर बंदरात उभे एक गलबत रुपेरी
त्याचा कोष किनार्‍यास कधी दिसणार नाही

तुझ्या कृपाकटाक्षाने झालो वणव्याचा धनी
त्याच्या निखार्‍यात कधी तुला जाळणार नाही

Kaahi bolaayaache ahe, pan bolanaar naahi
Dewalaachya daaraamadhye bhakti tolanaar naahi

Maajhya antaraat gndh kalp kusumaancha daate
Pan paakali tayaanchi, kadhi khulanaar naahi

Nakshatraanchya gaawaatale mala gawasale guj
Pari aksharaancha sng tyaala milanaar naahi

Megh jaanbhala ekala raahe nabhaachya kadela
Tyaache rahasy konaala kadhi kalanaar naahi

Dur bndaraat ubhe ek galabat ruperi
Tyaacha kosh kinaar‍ayaas kadhi disanaar naahi

Tujhya kripaakataakshaane jhaalo wanawyaacha dhani
Tyaachya nikhaar‍ayaat kadhi tula jaalanaar naahi