Oon Aso Va Aso Savali / ऊन असो वा असो सावली

ऊन असो वा असो सावली 
काटे अथवा फुले असू दे 
या वाटेवर तुझ्या संगती 
जीव जडवुनी मला हसू दे 

कधी निराशा खिन्न दाटली 
कधी भोवती रान पेटले 
परि अचानक वळणावरती 
निळे निळे चांदणे भेटले 
गूज मनातील सांगत तुजला 
चांदण्यात या मला बसू दे 

कळी एकदा रुसून म्हणाली 
नाही मी भुलणारच नाही 
किती जरी केलीस आर्जवे 
तरिही मी फुलणारच नाही 
फुलून आली कधी न कळले 
तशी लाजरी पुन्हा रुसू दे 

सांजघनाचा सोनकेवडा 
भिजवित आली ही हळवी सर 
तुझ्या नि माझ्या भवतीचे जग 
स्वप्नापरी हे झाले धूसर 
तुला बिलगुनी चिंब भिजू दे 
असे अनावर सुख बरसू दे .

Un aso wa aso saawali 
Kaate athawa fule asu de 
Ya waatewar tujhya sngati 
Jiw jadawuni mala hasu de 

Kadhi niraasha khinn daatali 
Kadhi bhowati raan petale 
Pari achaanak walanaawarati 
Nile nile chaandane bhetale 
Guj manaatil saangat tujala 
Chaandanyaat ya mala basu de 

Kali ekada rusun mhanaali 
Naahi mi bhulanaarach naahi 
Kiti jari kelis arjawe 
Tarihi mi fulanaarach naahi 
Fulun ali kadhi n kalale 
Tashi laajari punha rusu de 

Saanjaghanaacha sonakewada 
Bhijawit ali hi halawi sar 
Tujhya ni maajhya bhawatiche jag 
Swapnaapari he jhaale dhusar 
Tula bilaguni chinb bhiju de 
Ase anaawar sukh barasu de .