Marathi Songs

Marathi Songs's Lyrics

Hambarun Vasarale / हंबरून वासराले चाटती जवा गाय

हंबरून वासराले चाटती जवा गाय
तवा मले तिच्यामंदी दिसती माझी माय

आया बाया सांगत होत्या होतो जवा तान्हा
दुष्काळात मायचा माझा आटला होता पान्हा
पिठामंदी पाणी टाकून मले पाजत जाय
तवा मले पिठामंदी दिसती माझी माय
हंबरून वासराले … 

काट्याकुट्या वेचायला माय जायी रानी
पायात नसे वहांन तिच्या फिरे अनवाणी
काट्याकुट्यालाही तिचं मानत नसे पाय
तवा मले काट्यामंदी दिसती माझी माय
हंबरून वासराले … 

बाप माझा रोज लावी मायच्या मागं टुमनं
बस झाला शिक्षान आता घेऊदी हाती रूमनं
शिकून शानं कुठं मोटा मास्तर होणार हाय
तवा मले मास्तरमंदी दिसती माझी माय
हंबरून वासराले … 

दारू पिऊन माये मारी जवा माझा बाप
थर थर कापे अन लागे तिले धाप
कसायाच्या दावणीला बांधली जसी गाय
तवा मले गायीमंदी दिसती माझी माय
हंबरून वासराले … 

बोलता बोलता एकदा तिच्या डोळा आलं पाणी
सांग म्हणे राजा तुजी कवा येईल राणी
भरल्या डोळ्यान कधी पाहीन दुधावरची साय
तवा मले सायीमंदी दिसती माझी माय
हंबरून वासराले … 

म्हणून म्हनतो आनंदानं भरावी तुझी वटी
पुन्हा एकदा जल्म घेवा माये तुझ्या पोटी
तुझ्या चरणी ठेवून माथा धरावं तुजं पाय
तवा मले पायामंदी दिसती माझी माय
हंबरून वासराले … 

Hambarun Vasarale Lyrics

Hnbarun waasaraale chaatati jawa gaay
Tawa male tichyaamndi disati maajhi maay

Aya baaya saangat hotya hoto jawa taanha
Dushkaalaat maayacha maajha atala hota paanha
Pithhaamndi paani taakun male paajat jaay
Tawa male pithhaamndi disati maajhi maay
Hnbarun waasaraale … 

Kaatyaakutya wechaayala maay jaayi raani
Paayaat nase wahaann tichya fire anawaani
Kaatyaakutyaalaahi tichn maanat nase paay
Tawa male kaatyaamndi disati maajhi maay
Hnbarun waasaraale … 

Baap maajha roj laawi maayachya maagn tumann
Bas jhaala shikshaan ata gheudi haati rumann
Shikun shaann kuthhn mota maastar honaar haay
Tawa male maastaramndi disati maajhi maay
Hnbarun waasaraale … 

Daaru piun maaye maari jawa maajha baap
Thar thar kaape an laage tile dhaap
Kasaayaachya daawanila baandhali jasi gaay
Tawa male gaayimndi disati maajhi maay
Hnbarun waasaraale … 

Bolata bolata ekada tichya dola aln paani
Saang mhane raaja tuji kawa yeil raani
Bharalya dolyaan kadhi paahin dudhaawarachi saay
Tawa male saayimndi disati maajhi maay
Hnbarun waasaraale … 

Mhanun mhanato anndaann bharaawi tujhi wati
Punha ekada jalm ghewa maaye tujhya poti
Tujhya charani thhewun maatha dharaawn tujn paay
Tawa male paayaamndi disati maajhi maay
Hnbarun waasaraale … 

Additional Information

गीतकार : प्रा.स.ग.पाचपोळ, गायक : -, संगीतकार : -, चित्रपट : - / Lyricist : Pro.S.G.Pachpol, Singer : -, Music Director : -, Movie : -

Marathi Songs Lyrics Submitted By

Umesh Gawade

Umesh Gawade

October 19 2013

geetmanjusha.com © 1999-2020 Manjusha Umesh | Privacy | Community Guidelines